تغلب علي الخوف من التحدث أمام الجمهور
في عالم الـBusiness أوقات بيتطلب مننا نتكلم قدام ناس، في الشغل إنت محتاج تعمل Presentation قدام المديرين أو محتاج تعرض المنتجات الخاصة بالشركة للعملاء.
وعلشان تكون جاهز للتحدث قدام الجمهور بدون أي خوف، في بعض النصائح اللى لو مشيت عليها هتقدر تتكلم بكل ثقة ومن غير خوف.
أول نصيحة : مارس الحاجة اللى هتقدمها:
ممارسة الـPresentation قدام الأهل أو الأصدقاء قبل عرضها على عملائك أو على مديرينك في الشغل هيديك ثقة في نفسك وهيقلل من أي ضغوط عليك أثناء عرض الPresentation.
تاني نصيحة : اتكلم مع نفسك بصورة إيجابية:
أنا عندي ثقة في نفسى وقادر اتكلم قدام الناس، أنا عندي كل الأسباب اللى هتخليني ناجح النهاردة
التفكير الإيجابي هيساعدك على تعزيز قوتك وعلى زيادة ثقتك بنفسك.
لو إنت بتاكل أكل صحي، جسمك هيكون سليم، كمان لو بتفكر تفكير إيجابي مخك وذهنك هيكونوا في أفضل حالتهم وبالتالى هتكتسب الثقة اللى هتخليك تنجح في الـPresentation.
تالت نصيحة : وضع الجسد أثناء الـPresentation:
من الحاجات المهمة اللى لازم تهتم بيها أثناء الكلام هي وضع جسمك أثناء، الوقوف ، الجلوس أو الحركة لأن الجسد بيساعدك على توصيل رسالتك، حاول يكون عندك اعتدال في وضعية الجسم ويكون مستقيم سواء في الوقوف أو وانت بتتحرك أو لو هتتكلم وانت قاعد.
رابع نصيحة : ركز على صوتك:
الصوت من الممكن إنه يكون عائق أمام توصيل رسالتك، صوتك لازم يكون واضح، وابعد عن الحاجات اللى ممكن تشتت الناس اللى بتسمعك زي
خامس نصيحة : قول نكته:
روح الدعابة مهمة أثناء الـPresentation لأنها بتقلل من حده الضغط والتوتر. لكن حاول تختار الوقت المناسب.
سادس نصيحة : التواصل بالعين:
تخيل انت بتتكلم مع شخص، وانت بتتكلم هو مش باصص ليك، أو تخيل موقف تاني وإنت بتتكلم مع حد وهو حاطط عينه في عينك طول مانت بتتكلم، هتحس بإيه في الموقفين؟
نفس الموضوع في الـPresentation التواصل بالعين مهم جدا، وكمان توزيع النظرات على كل الموجودين،ماتركزش مع شخص واحد.
سابع نصيحة : استخدام الصور:
استخدام الصور والرسوم البيانية بيساعدك على توصيل رسالتك بسهولة وبيكون سهل على اللى بيسمعوك إنهم يفهموا رسالتك.
تعليقات
إرسال تعليق