10 أخطاء يجب تجنبها في المقابلة الشخصية

علشان لغة الجسد بتفرق كتير ف نتيجة الانترفيو، قررنا نجيب ليكوا اهم 10 اخطاء لازم تتجنبها ف اي انترفيو.. 

1- تعابير الوجه الغير مناسبةيعني حاول يكون تعبير وشك مطابق او لايق على اللي بتتكلم فيه ، مينفعش حد يسألك إيه هو شغفك في الحياة و ترد و تعبير وشك بارد أو قرفان.

2- حركة العيونبلاش تبص فوق او بعيد و انت بتتكلم علشان ده بيظهر انك كداب أو مش واثق في نفسك، علشان كدة مهم جدا تبص في عين اللي قدامك مباشرة لأنه بيدي ثقة كبيرة لكلامك.

3- الملل أو التملليعني بطل اي حركة لا إرادية زي مثلا تلعب في ضوافرك أو ايدك او ورقة أو قلم ماسكهم، علشان ده بيصرف انتباه اللي قدامك عنك و هيحس انك متوتر او حاسس بملل.

4- وضع الجسمحاول ميكونش جسمك مايل لورا علشان ده معناه انك متكابر أو كسلان، ولا مايل لقدام علشان معناه انك عدواني و بلاش ترخي جسمك اوى علشان بيبين انك شخص كسول ،و الصح بدل كل ده انك تكون مستقيم و ضهرك مستقيم موازي لراسك.

5- التحديقبلاش تفضل باصص للشخص اللي قدامك اوى بطريقة تخليه يخاف من نظراتك أو يفتكر انك سرحان و مش مركز، يعني حاول ترمش بعينيك بشكل طبيعي مش متنح.

6- ضم الذراعينانك تقعد مربع ايديك إشارة انك في موقف دفاعي او مقاومة و مش مرتاح، و الصح انك تقعد فاتح دراعك جنبك علشان بيظهر انك شخص ودود و منفتح و مرتاح.

7- زيادة حركة الرأسكتير اوي علشان نبين اننا مركزين أو موافقين بنحرك راسنا كتير طول ما اللي قدامنا بيتكلم *اللي هو انا معاك في كلامك.. و الموضوع ده بيكون بزيادة عند البنات، لكن الصح انك تحرك راسك مرة أو مرتين مع ابتسامة انك فاهم او موافق و خلاص.

8- ال eye contactلازم و انت بتسلم على اللي قدامك تكون باصص في عينيه ، ولو بيعمل معاك الانترفيو شخصين ! لازم توزع نظراتك و انت بتتكلم على الشخصين و متتجاهلش واحد منهم في الكلام.

9- الإشارة أو المقاطعةبلاش تشاور على اللي قدامك أو تقاطعه فجأة علشان ده بيبين انك شخص عدواني في التعامل مع الناس و بالتالي مش مناسب للشغل.

10- الايدين خلف الظهرمن المهم انك تبان منفتح و بتبادل الحديث مع اللي قدامك علشان كدة متحاولش تفضل مجمد نفسك و مبتحركش ايدك و خاصة لو هتبدأ كلام، و كمان انك تخلى ايدك في جيوبك أو ورا ضهرك بيدي انطباع انك شخص صارم أو قاسي.